Furufamilien (Pinaceae) er den største av dei åtte
bartrefamiliane og består av 220-250 artar fordelt på 11-12 delgrupper, litt avhengig av korleis
artar og
slekter vert definerte. Trea i furufamilien er vanlegvis eviggrøne, unntaket er
lerka som feller nålene om hausten. Dei er vanlegvis sambu, dvs at dei har hann- og hoblomstrar på same
individ. Hannblomstrane består av nokre skjel nedst og talrike pollenberarar, kvar med to pollensekker. Hoblomstrane er samla i blomsterstander (konglar). Ein hoblomst består av eit kongleskjel med to frøemne og eit ytre dekkskjel. Frøa ligg nakne og furufamilien tilhøyrer dei nakenfrøa blomsterplantane. Det vil seie at det ikkje vert danna nokon ekte
frukt hos desse plantane.
