- Huwag ikalito sa espirituwalismo. Tingnan din ang espiritu (paglilinaw).
Ang
espiritwalidad, (
pagka-espirituwal) ay tumutukoy sa sukdulan o imateryal (walang katawan o anyong materyal) na realidad; isang panloob na daan na nagbibigay-daan sa mga tao na matuklasan ang
katuturan o
diwa ng kanilang pagkatao; o ang pinakamalalim na mga pagpapahalaga at mga kahulugan na ikinapamumuhay ng mga tao. Ang mga gawaing pang-espiritu, kasama ang meditasyon,
pagdarasal, at
kontemplasyon, ay naglalayong makapagpaunlad ng panloob na pamumuhay ng isang tao; kalimitang nagdurulot ang ganyang mga gawain ng isang karanasan ng pagkakaroon ng kaugnayan sa isang mas malaking katotohanan, na nagbubunga ng mas malaganap o mas komprehensibong
sarili, sa ibang mga indibiduwal o sa pamayanan ng mga tao, sa
kalikasan o sa kosmos, sa nasasakupan ng
banal. Kadalasang nararanasan ang espirituwalidad bilang isang pinagmumulan ng inspirasyon o oryentasyon sa buhay. Lumalagom ito sa pananalig sa mga realidad na imateryal o mga karanasan ng nakahihigit na kalikasan ng daigdig.
